Skip to main content

Ishonch telefoni: +(99872) 226 68 10

3+1 qo'shma ta'lim dasturi

Belarus davlat pedagogika universiteti bilan qo'shma ta'lim dasturiga marhamat!

Konstitutsiya asosiy qonunimiz!

8-dekabr — O‘zbekiston Respublikasi Konstitutsiyasi kuni

Yuksak vatanparvarlik tuyg‘usi aks etgan qasida!

10-dekabr — O‘zbekiston Respublikasi Davlat madhiyasi qabul qilingan kun

Yangi yil — yangi marralar sari imkoniyat!

Kirib kelayotgan yangi 2024-yilingiz muborak bo’lsin!

Xotira muqaddas – inson qadri aziz!

9-may — Xotira va qadrlash kuni

JDPU 50 yoshda!

Jizzax davlat pedagogika universitetining 50 yoshlik yubileyi muborak bo‘lsin!

Munosabat…

               “ Niqob taqsak ham asl yuzimiz ko‘rinib qolayapti …”

         Eskilarda “el boshiga ish tushganda chetda turma”  degan purma’no ibora bor. Bu iborani nega esladim? Xabaringiz bor bugun barchamiz  sinovli davrni boshdan kechirayapmiz. Aminmanki shu tobda  ko‘nglida  tug‘ilib o‘sgan yurtiga, yon atrofdagilarga mehri- muhabbati bo‘lgan inson  imkoniyat darajasida el koriga yarashga harakat qiladi. Kimdir o‘z hisobidan muxtojlarga oziq ovqat va mablag‘ bilan,  yana kimlardir  o‘z mehnati bilan, ayrimlar esa hech bo‘lmasa  bir og‘iz shirin so‘zi bilan  madad bo‘lishga intilishmoqda.  Afsuski shunday paytda ham  “Tirnoq ostidan kir qidirib” bo‘lar bo‘lmas narsani dunyoga doston qiluvchilar ham borligi kishini o‘ylantiradi.

Bugun AOKA huzuridagi shtabda Oliy va o‘rta maxsus ta’lim vazirligi bosh boshqarma boshlig‘i  Abduvali Xoliqov  ishtirokida brifing o‘tkazildi. Unda Jizzax davlat pedagogika instituti  faoliyati bilan bog‘liq savol ko‘pchilik qatori meni ham munosabat bildirishga  majbur qildi. E’tiboringizni ushbu savolga qarataman:  “Koronavirus sababli oliy ta’lim muassasalari professor-o‘qituvchilarining ishga borishi taqiqlangan bo‘lsa ham, JDPI rektori professor-o‘qituvchilarni ishga kelishini talab qilmoqda, bunga amal qilish kerakmi?”  bu savolga  Oliy va o‘rta maxsus ta’lim vazirligi bosh boshqarma boshlig‘i  Abduvali Xoliqov  qay darajada to‘g‘ri javob berganini bilmadim-u, ammo men shunday javob berishga qaror qildim. Bugun Jizzax davlat pedagogika institutida jami 963 nafar professor o‘qituvchilar va ishchi xodim faoliyat yuritadi. Institut rektorining 24.03.2020 yildagi 76-K-hamda 31.03.2020 yildagi 87-K-buyrug‘iga ko‘ra 350 nafar ishchi xodim va 502 nafar professor o‘qituvchilar mehnat ta’tilida.  Savolda aytilganidek hech kim ishga kelishi talab qilinayotgani yo‘q.  Ta’kidlash joiz professor o‘qituvchilarimizning sa’y harakati bilan talabalarga masofadan ta’lim berish ishlari yo‘lga qo‘yilgan.  Boshqalarni bilmadim-u ammo menga  ham  mehnat ta’tiliga chiqish taklifi berildi. Kimga yolg‘on, kimga chin men bu taklifni rad etdim. Savol yo‘llagan “kimsa”ga shunday so‘zim bor siz istamasangiz sizni hech kim majburlab ishga keltirolmaydi. Bu mehnat kodekslarida ham va bir qator qonunlarimizda ham belgilab qo‘yilgan. Qonun bo‘yicha siz  belgilangan tartibda yoki o‘z hisobingizdan mehnat ta’tiliga chiqishga haqlisiz. Bu borada sizga hech kim to‘siq bo‘lolmaydi. Hurmatli savol yo‘llagan “hamkasaba” shuni unutmangki dunyoda yozilmagan ammo har birimizga tanish va qon qonimizga singib ketgan “qonunlar” ham bor. Ular vatanparvarlik,  fidoyilik, oqibatlilik kabi ezgu tuyg‘ularni o‘zida mujassam etadi. Istardimki, bo‘hton va g‘iybatlarni bir chega surib vijdon amri bilan ish qilaylik, tomoshabin bo‘lmaylik. Yaxshilik qilmasak ham yomonliklardan tiyilaylik. Niqob taqsak ham asl yuzimiz ko‘rinib qolmasin. Hech bo‘lmasa shu kunlarda “odam bo‘laylik….” !

                                                                                                                                                                Jizzax davlat pedagogika instituti axborot xizmati