Azal-azaldan xalqimiz yoshi ulug‘ nuroniylarni e’zozlab ularga katta ehtirom ila hurmat ko‘rsatib kelingan. Ayniqsa, ana shunday ulug‘ kunlarda hayit bayrami arafasida tabarruk insonlarning holidan xabar olish ularning og‘irini yengil qilish va nasihatlari-yu duolarini olish xalqimizga xos fazilatdir.
Sana munosabati bilan Jizzax davlat pedagogika universiteti rahbariyati hamda kasaba uyushma qo‘mitasi tomonidan universitetda ko‘p yillar samarali mehnat qilgan 20 nafarga yaqin faxriy ustoz-murabbiylarning holidan xabar olishdi. Ularni ayyom bilan qutlab, bayram sovg‘alarini ulashishdi.
Tashrif davomida vakillar nuroniy otaxon va onaxonlar chinakam ma’rifat fidoyilari bilan samimiy suhbat qurishdi. Ularga universitet rektorining tabriknomasini o‘qib berishdi. Faxrli ustozlar e’tibordan xursand bo‘lib bugungi kunlar uchun shukronalik keltirishdi.
