Rus tili va adabiyoti fakulteti talabalari uchun tashkil etilgan mahorat darsini Rossiya Federatsiyasi Tatariston Respublikasidagi Qozon federal universiteti Jurnalistika va mediakommunikatsiyalar oliy maktabi Milliy va global media kafedrasi dotsenti, falsafa fanlari nomzodi Alfred Shakirov o‘tkazdi.
Mediamakon va uning vositalari kengayib borar ekan, ular muloqot shakllarini osonlashtiribgina qolmay, ijtimoiy yaqinlikka imkon yaratadi. Shunday ekan, har bir jamiyat a’zosi borki, o‘zini qurshab turuvchi, qaysidir ma’noda, uni axborot uzatish orqali bilvosita boshqaruvchi mediamakonning qimmatli bo‘lagi bo‘lgan mediamatnlarni to‘liq anglashi dolzarblik kasb etadi. Qolaversa, tilshunoslik nuqtai nazaridan olib qaraganda, tilni ijtimoiy muhitning belgisi sifatida o‘rganuvchi olim uchun ham aynan uning tadrijiy rivojini kuzatish uchun mediamatnlar tadqiqi muhim manba sifatida ahamiyatlidir.
Mahorat darsida ana shu dolzarb mavzu haqida so‘z bordi. Talaba yoshlar o‘zlarini qiziqtirgan savollarga javoblar olishdi.
