Jizzax viloyati do‘stlik uyida rus madaniyat markazi tomonidan Maslenitsa bayrami o‘tkazildi.Bu yilgi bayramni nishonlash uchun Jizzax davlat pedagogika universiteti rus tili va adabiyoti fakulteti professor-o‘qituvchilari, talaba-yoshlari, umumta’lim maktablari o‘qituvchi va o‘quvchilari hamda rus madaniyat markazlarining viloyat bo‘limlari vakillari jam bo‘lishdi.

Tadbirni viloyat madaniyat markazi raisi Aleksandr Skripkin kirish so‘zi bilan ochdi. U madaniy merosni, xususan, Maslenitsa kabi asrab-avaylash va ommalashtirish muhimligini ta’kidladi.

Tadbirda turli ko‘rik-tanlovlar va qiziqarli o‘yinlar tashkil etildi. Jizzax davlat pedagogika universiteti rus tili va adabiyoti fakulteti talabalari rus xalq qo‘shiqlarini, chastushkalari va raqslarini ijro etib, bayramga o‘ziga xos zavq va shodlik muhitini hadya etishdi.