Jizzax davlat pedagogika universitetida bo‘lib o‘tgan navbatdagi ma’naviy-ma’rifiy tadbir mehmoni O‘zbekiston Yozuvchilar ijodiy uyushmasi a’zosi, Respublika jurnalistlar ijodiy uyushmasi a’zosi, novator shoir, zarbuldoston, qo‘shsatr, eshsonetlar, uchshoda va qo‘shshoda deb atalgan yangi she’riy janrlar asoschisi Safar Olloyor bo‘ldi.
Ijodkorning tashrifi dastavval universitet bilan tanishuvdan boshlandi. Talaba yoshlarga yaratilgan imkoniyatlar, oliygohning 50-yillik tarixi bilan bog‘liq jarayonlar batafsil tanishtirildi. Shundan so‘ng ijodkor va yoshlar uchrashuvi tashkil etildi. Uchrashuv novator shoir tomonidan yaratilgan yangi she’rlar taqdimoti bilan boshlandi.
Ijodga, adabiyotga qiziqishi baland talaba yoshlar ham o‘zlarining ijod namunalarini o‘qib berishdi. Uchrashuv shoiring kitoblar taqdimoti va mushoira bilan davom etdi.
