“Yashil makon” umummilliy loyihasida bahorgi mavsumida 5 ming tupdan ziyod manzarali va mevali ko‘chatlar ekilgan.

Soha mutaxassislari hamda universitetning tabiiy fanlar fakulteti o‘qituvchilari tomonidan «Bog‘ishamol» hududidagi yangi bino atrofidagi ko‘chat ekilishiga mo‘ljallangan yer holati o‘rganildi.

Natijada ushbu joyga qurg‘oqchilikka chidamli bodom hamda qayrag‘och daraxtlari ekish rejalashtirildi. ushbu joylarni bog‘-rog‘larga aylantirish maqsadida yerning agrotexnik holati yaxshilandi.

Ayni paytda volontyor talabalar va o‘qituvchilar ko‘chat ekish ishlarida faol bo‘lishmoqda. O‘z mehnatlari bilan ekilgan har bir niholni parvarishlash va saqlashda jonbozlik ko‘rsatishmoqda. Maqsad esa bitta u ham bo‘lsa mana shu atrofni yashil chamanzorga aylantirish.