Universitetda “Kitobxon talaba” tanlovining 4-mavsumi Yoshlar yetakchilari boshchiligida yuqori saviyada tashkil etildi. Tanlov bu gal adabiyot ixlosmandlari uchun dolzarb va mazmunan chuqur bo‘lgan asarlar asosida o‘tkazildi.

Ishtirokchilar Asqad Muxtorning “Chinor” romani, Oybekning “Quyosh qoraymas” asari hamda George Orwellning “1984” romani yuzasidan bilimlarini sinovdan o‘tkazdilar. Mazkur asarlar orqali talabalar milliy va jahon adabiyotining muhim g‘oyaviy-badiiy qatlamlarini, inson taqdiri, jamiyat va erkinlik masalalarini chuqur tahlil qilish imkoniga ega bo‘ldilar.

Tanlov jarayonida 500 nafardan ortiq talabalar faol ishtirok etdi. Test sinovlari natijalariga ko‘ra har bir fakultetdan 6 nafardan eng bilimdon kitobxonlar saralab olinib, tanlovning keyingi – “Zakovat” bosqichiga yo‘llanmani qo‘lga kiritdi.

Mazkur tanlov yoshlar o‘rtasida mutolaa madaniyatini rivojlantirish, tahliliy fikrlash ko‘nikmalarini mustahkamlash hamda milliy va jahon adabiy merosiga hurmat tuyg‘usini oshirishga xizmat qilmoqda.