Ochiq muloqotda O‘zbekiston Respublikasi Prezident Shavkat Mirziyoyevning 14-fevral kuni yoshlar bilan videoselektor shaklida o‘tgan uchrashuvda yoshlar uchun imkoniyatlarni yanada kengaytirish chora-tadbirlari muhokama etilganligi, yoshlarning bandligini ta’minlash, intilishlariga sharoit yaratish davlatimizning ustuvor siyosatiga aylanganligi haqida talabalarga ma’lumot berildi. Shuningdek, Milliy bank yoshlarning biznes loyihalarini qo‘llab-quvvatlovchi tayanch bankka aylantirilgani haqida ham aytib o‘tildi.
Milliy bank oliy ta’lim muassasalari bitiruvchilarining biznes g‘oyalarini moliyalashtirish uchun 100 million so‘mgacha 7 yil muddatga imtiyozli kreditlar ajratishini talabalarga yetkazildi. Uchrashuvda biznes loyihasi bor har bir talaba bilan ochiq muloqot qilindi. Universitetda “Kelajakka qadam” dasturi doirasida alohida shtab tashkil qilinganligi va bu shtab har bir loyihasi bor talabalar bilan doimiy aloqada bo‘lishini alohida ta’kidladi. Shuningdek, uchrashuvda biznes loyihasi bor talabalar o‘zlarini qiziqtirgan savollarga javoblar olishdi.
