Jizzaxda “Ilm yulduzlari” intellektual ko‘rik-tanlovi o‘tkazildi – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
Jizzaxda “Ilm yulduzlari” intellektual ko‘rik-tanlovi o‘tkazildi

Yangiliklar

13/10/2025

Chop etish

Jizzaxda “Ilm yulduzlari” intellektual ko‘rik-tanlovi o‘tkazildi

2025-yil 11-oktyabr kuni Jizzax davlat pedagogika universiteti Axborot-resurs markazida O‘zbekiston xotin-qizlar “Olima” uyushmasi, Jizzax viloyat hokimligi, Oila va xotin-qizlar boshqarmasi hamkorligida “Ilm yulduzlari” intellektual ko‘rik-tanlovining viloyat bosqichi bo‘lib o‘tdi.

Tanlov iqtidorli va fidoyi xotin-qizlarning ilmiy izlanishlarini rag‘batlantirish, ularni ilmiy faoliyatga yo‘naltirish maqsadida tashkil etildi.

Tadbirni JDPU prorektori Anora Jabborova kirish so‘zi bilan ochib, xotin-qizlarning ilmiy salohiyatini oshirishda bunday tanlovlarning ahamiyatini ta’kidladi. Viloyat hokimi o‘rinbosari, Oila va xotin-qizlar boshqarmasi boshlig‘i Gulnora Normurodova xotin-qizlar o‘rtasidagi ma’naviy-ma’rifiy ishlar hamda ularning jamiyatdagi o‘rni haqida so‘z yuritdi.

Tanlov 3 ta shart bo‘yicha o‘tkazilib, ishtirokchilarning taqdimot va videolavhalari professor S.S. Murodova, dotsentlar A.J. Jabborova va N.E. Soliyevalar tomonidan baholandi.

Natijalarga ko‘ra, JDPUdan Ravshanova Adolat Ravshan qizi, Jizzax politexnika institutidan Axadova Komila Said qizi, shuningdek Jizzax Sambhram universiteti, O‘zMU Jizzax filiali va Qozon federal universiteti filiali vakillari yuqori natijalarga erishdilar.

G‘olib va faol ishtirokchilar diplom va esdalik sovg‘alar bilan taqdirlandilar. Tanlov yuqori ilmiy-amaliy saviyada o‘tdi.

5 Gender tengligi

Boshqa rubrikalarda mashhur

Barcha Rubrikalar

JDPU jamoasi Islom sivilizatsiyasi markaziga tashrif buyurdi.

Jizzax davlat pedagogika universitetining bir guruh professor-o‘qituvchilari va xodimlari Toshkent shahrida joylashgan Islom sivilizatsiyasi markaziga tashrif amalga oshirdi.

Giyohvandlikka qarshi kurash — umumxalq vazifasi.

JDPU madaniyat saroyida Ogog‘lik ma’sulliyat barqarorlik asosi mavzusida profilaktik tadbiri tashkil etildi.

Rivojlangan davlatlar boshlang‘ich ta’lim tizimi bo‘yicha qo‘shma onlayn dars o‘tkazildi.

JDPU Boshlang‘ich ta’lim pedagogikasi kafedrasi dotsenti D. Farsaxonova va o‘qituvchi N. Quvonova tomonidan 1-bosqich magistrantlari ishtirokida Turkiyaning Karamanog‘li Mehmetbey universiteti dotsenti Özlem Yılmaz Demirel hamda...