Axborot texnologiyalari va kommunikatsiyalarini rivojlantirish vazirligi, IT Park, Google Developer Groups hamda Sambhram universiteti hamkorligida DevFest – Jizzaxdagi birinchi texnologiya festivali bo‘lib o‘tdi. Xorijiy IT korxonalarda (Codemotion Ninja, iTransition Group, Toptal, iTechArt) faoliyat olib boruvchi 7 nafar  dasturchi spikerlar  konferensiya davomida o’z tajribalari bilan bo’lishishdi va  WEB, Mobile, Dizayn.yo’nalishlarda amaliy master-klaslar ko’rsatishdi. Jarayonda amaliy topshiriqlarni bajargan ishtirokchilar tashkilotchilar tomonidan taqdirlanishdi. Konferensiyada shuningdek Jizzax davlat pedagogika universitetining Pedagogika va psixologiya, Tabiiy fanlar, Xorijiy tillar, O’zbek tili va adabiyoti, Maktabgacha ta’lim fakultetlaridan jami 18 nafar iqtidorli talabalar qatnashishdi. Bir so‘z bilan aytganda ushbu tadbir davomida talabalar respublikamizdagi eng malakali dasturchilardan kerakli bilimlarni olishdi.