Matematika va informatika fakultetida JDPU 50 yilligi tantanalari munosabati bilan “Uch avlod uchrashuvi” tashkil etildi.

Uchrashuvga matematika va informatika fakultetida faoliyat yuritgan, nafaqadagi faxriy ustozlar, professor-o‘qituvchilar hamda viloyatimizning turli sohalarida faoliyat yuritayotgan soha vakillari va talaba yoshlar taklif etildi.

“Uch avlod uchrashuvi ”da keksa avlod vakillari o‘zlarining hayoti va mehnat faoliyati davomida to‘plagan boy tajribasi, yoshlik davridagi o‘ziga xos qiyinchiliklar, mehnat pallasidagi mashaqqatlar, nihoyat nuroniylik paytida ko‘rsatilayotgan hurmat-ehtirom haqida o‘z dil so‘zlarini, samimiy fikrlarini bildirdi.

Tadbir davomida fakultet talabalari tomonidan tayyorlangan badiiy va sahna ko‘rinishlari namoyish etildi.