Jizzax davlat pedagogika universitetida 12-yanvar kunidan boshlab yakuniy nazorat imtihonlari boshlandi. Ayni paytda imtihonlar universitetning bosh binosida markazlashgan holda tashkil etilmoqda.

Joriy yilgi yakuniy nazorat imtihonlari avvalgi yillarga nisbatan tartibli va tizimli o‘tkazilayotgani bilan ajralib turadi. Koridorlarda ortiqcha shovqin-suron, talabalarning bemaqsad navbat kutishi kabi holatlarga yo‘l qo‘yilmagan. Barcha jarayonlar belgilangan tartib asosida amalga oshirilmoqda.

Suratlarda jismoniy tarbiya, musiqa hamda dizayn yo‘nalishlarida tahsil olayotgan talabalarning yakuniy nazorat imtihonlarini topshirish jarayonlari aks etgan.

E’tiborli jihati shundaki, imtihonlar ochiq va shaffof tarzda o‘tkazilmoqda. Jarayonlarni nafaqat mas’ullar, balki ota-onalar ham onlayn tarzda kuzatish imkoniyatiga ega.