Jizzax davlat pedagogika universitetida oliy ta’limga kirish istagida bo‘lgan texnikum bitiruvchilari uchun suhbat jarayonlari start oldi. Joriy yilda turli texnikumlarni tamomlagan 134 nafar nomzod hujjatlarni rasmiylashtirdi.
Suhbatlarda maktabgacha ta’lim, jismoniy madaniyat va tibbiyot yo‘nalishlarini bitirgan talabgorlar ishtirok etadi. Bugun — suhbatning ilk kuni bo‘lib, ayni paytda maktabgacha ta’lim yo‘nalishi bo‘yicha hujjat topshirgan nomzodlar bilim va qobiliyatlarini namoyish etmoqda.
Suhbat jarayonlari uch kun davom etadi. Unda nomzodlarning nazariy bilimi, amaliy ko‘nikmalari hamda kasbiy tayyorgarlik darajasi baholanadi. Tadbirning maqsadi — iqtidorli yoshlarni saralab, ularga oliy ta’limda o‘qish imkoniyatini yaratishdir. Suhbatda ishtirok etayotgan talabgorlarga omad tilaymiz.
