Jizzax davlat pedagogika universitetida 1-oktyabr — “O‘qituvchi va murabbiylar kuni” munosabati bilan sport musobaqalari start oldi. Tadbirdan ko‘zlangan asosiy maqsad — xodimlar o‘rtasida sog‘lom turmush tarzini keng targ‘ib qilish, salomatlikni mustahkamlash hamda ish faoliyati va kundalik turmushda faollikni oshirishdir.

Musobaqalar mini futbol, ayollar o‘rtasida basketbol, stol tennisi va shaxmat turlari bo‘yicha tashkil etilmoqda. Ushbu sport tadbirlari xodimlarni doimiy ravishda jismoniy faollikka jalb qilish, o‘zaro do‘stona muhitni kuchaytirish va sog‘lom hayot tarzini shakllantirishga xizmat qiladi.

Bugun musobaqalarga mini futbol bellashuvlari bilan start berildi. Bellashuvlar qizg‘in va kurashlarga boy tarzda o‘tmoqda.