Jizzax davlat pedagogika universiteti Madaniyat saroyida an’anaviy tarzda har shanba kuni o‘tkazib kelinayotgan uzluksiz kasbiy rivojlanishga qaratilgan o‘quv-amaliy seminar bo‘lib o‘tdi.
Ushbu platformalar orqali universitet pedagoglarining malakasini oshirish, ularni zamonaviy ta’lim texnologiyalari, ayniqsa raqamli innovatsiyalardan samarali foydalanishga yo‘naltirish maqsad qilib qo‘yilgan.
Tadbirni universitetning Ilmiy ishlar va innovatsiyalar bo‘yicha prorektori Anora Jabborova ochib berdi. Shundan so‘ng Ta’lim jarayonini tashkil etish bo‘limi uslubchisi Ismoilov Mirzamahmud “Universitet professor-o‘qituvchilarining o‘quv yuklamalarini bajarish tartibi” mavzusida taqdimot qildi.
Universitetda tashkil etilayotgan bu seminarlarda har gal yurtimizdagi yetuk olimlar, sohaviy ekspertlar va tajribali mutaxassislar ishtirok etishi an’anaga aylangan. Bugungi seminarga ham sohaning yetakchi mutaxassisi, Oliy ta’lim tizimi kadrlarini qayta tayyorlash va malakasini oshirish instituti dotsenti, Hamidov Vohid Sobirovich taklif etildi.
U o‘z ma’ruzasida “Ta’limda sun’iy intellekt texnologiyalaridan foydalanish va dars samaradorligini oshirish” mavzusida muhim metodik yo‘nalishlar va amaliy qo‘llanmalarni o‘rtoqlashdi.
Yig‘ilish “Ilmiy tadqiqot ishlarini olib borishda sun’iy intellekt texnologiyalaridan samarali foydalanish usullari” mavzusi yuzasidan fikr almashinuv va savol-javoblar bilan yakunlandi.
