Jizzax davlat pedagogika universiteti Pedagogika-psixologiya va inklyuziv ta’lim fakultetida 22-noyabr — Xalqaro psixologlar kuni munosabati bilan talaba-yoshlarning psixologik bilim va kompetensiyalarini baholashga qaratilgan “Psixologik mahorat bellashuvi” tadbiri bo‘lib o‘tdi.

Tadbir jarayonida ishtirokchilar turli psixologik vazifalarni bajarish, kommunikatsiya qilish mahorati, kreativ fikrlash, muammoli vaziyatlarni hal etish kabi muhim ko‘nikmalar bo‘yicha o‘zaro bellashdilar. Qatnashchi guruhlar 4 shartdan iborat tanlovda o‘z mahoratlarini namoyish etib, hakamlar hay’ati tomonidan baholandi.

Bellashuv natijalariga ko‘ra: • 1-o‘rin — Psixologiya yo‘nalishining “Intellekt” jamoasiga; • 2-o‘rin — Amaliy psixologiya yo‘nalishining “Psixoenergiya” jamoasiga; • 3-o‘rin — Psixologiya yo‘nalishining “Insight” jamoasiga nasib etdi.

Tadbir yakunida g‘oliblarga diplom, tashakkurnoma va esdalik sovg‘alari topshirildi.

Ushbu bellashuv talaba-psixologlarning kasbiy rivojlanishi, o‘z ustida ishlari hamda amaliy ko‘nikmalarini mustahkamlashga xizmat qiluvchi muhim tadbirlardan biri bo‘ldi.

Fakultetda tashkil etilgan mazkur sa’y-harakatlar kelgusida malakali, zamonaviy tafakkurli va inson psixologiyasini chuqur anglay oladigan mutaxassislarni tayyorlashga xizmat qiladi.