Bugun universitetda Jismoniy madaniyat, Tasviriy san’at va muhandislik grafikasi hamda Musiqa ta’limi yo‘nalishlari bo‘yicha kasbiy(ijodiy) imtihonlarni topshirish boshlab yuborishdi. Ijodiy imtihonlar belgilangan grafik asosida bo‘lib o‘tmoqda.
Imtihonlarni shaffof va adolatli o‘tkazish maqsadida imtihon oluvchi mutaxassislar yurtimizning boshqa OTMlaridan jalb etilganligini alohida qayd etish lozim. Shaffoflik va ochiqlikni ta’minlovchi yana bir muhim qadamlardan biri, Kasbiy ijodiy imtihonlar bo‘lib o‘tadigan yo‘nalishlarni onlayn ko‘rish imkoniyati yaratildi. Ota-onalar va abiturientlarning yaqinlari jarayonni jonli efir https://jdpu.uz/abiturientlarga/qabul-2022-jonli-efir ilovasi orqali bemalol kuzatib borishlari mumkin.
Tibbiyot xodimlari har bir abiturientni, ayniqsa sport yo‘nalishlari bo‘yicha imtihon topshirayotganlarni sog‘ligini alohida nazorat qilib borishmoqda. imtihon topshirish uchun kelgan barcha abiturientlarga gigiena talablariga rioya qilgan holda suv va salqin ichimliklar tashkil qilingan.
Kuch va mahoratini, iqtidorini sinayotgan va talaba bo‘lishni orzu qilayotgan yigit-qizlarimizga talabalik baxtiga erishing, omad sizga yor bo‘lsin deb qolamiz.
