Jizzax davlat pedagogika universiteti delegatsiyasi AQShning Nyu York shahridagi eng nufuzli oliy ta’lim muassasalaridan biri — Columbia University (Kolumbiya universiteti) ga rasmiy tashrif buyurdi.
Columbia University — dunyoning eng yaxshi TOP 20 ta universiteti qatoriga kirgan, Nyu-York shahrining yuragida joylashgan, ilm-fan, innovatsiya va ilg‘or ta’lim dasturlari bilan tanilgan universitetdir. Mazkur tashrif Jizzax davlat pedagogika universitetining xalqaro hamkorlikni kengaytirish, ilg‘or tajriba almashish va ta’lim sifatini oshirish yo‘lidagi muhim qadami bo‘ldi.

Tashrif davomida delegatsiya Columbia universitetining Teachers College, School of Education, hamda International and Public Affairs fakultetlari faoliyati bilan tanishdi. Shuningdek, ular raqamli ta’lim, pedagogik innovatsiyalar, o‘qituvchilarning kasbiy rivoji va ilmiy-tadqiqot loyihalarini yo‘lga qo‘yish borasida uchrashuvlar o‘tkazdilar.

Tashrif yakunida Columbia University vakillari O‘zbekistonning ta’lim tizimidagi islohotlar va Jizzax davlat pedagogika universitetining xalqaro ochiqligi, yosh kadrlarni tayyorlashdagi sa’y-harakatlarini yuqori baholadilar.
Mazkur tashrif ikki tomonlama hamkorlikni yangi bosqichga olib chiqish, global ta’lim maydonida O‘zbekiston oliy ta’lim muassasalarining nufuzini oshirishga xizmat qiladi.