Jizzax Davlat Pedagogika Institutida videokonferensiya o`tkazishga tayyorgarlik jarayonida institut hududida obodonlashtirish ishlari olib borildi, bundan tashqari videokonferensiya o`tkaziladigan joyni gullar, vatanparvarlikni aks ettiruvchi hamda videokonferensiya shiori aks ettirilgan bannerlar bilan bezatildi.
Erta tongdan Jizzax Davlat Pedagogika Instituti hovlisida harbiy orkestr jamoasining musiqali chiqishi barchani o`ziga jalb qildi.
Jizzax Davlat Pedagogika Instituti hovlisida videokonferensiyaga tashrif buyurgan ota-onalarni yurtimiz o`g`lonlari askarlarimiz gullar bilan kutib oldi.
Jizzax Davlat Pedagogika Instituti fayesida harbiy xizmatchilarning sharafli kasbini aks ettiruvchi jumladan, ularning kiyinish madaniyati, yurtimizda joriya etilgan harbiy unvonlarga bag`ishlangan ko`rgazma tashkil etildi.
O`zbekiston Respublikasi Qurolli kuchlari tashkil etilganligining 25 yilligi va “Vatan himoyachilari kuni” munosabati bilan o`tkazilgan Ozbekiston-mustaqil Vatanim, milliy armiya- faxrim, g`ururim! shiori ostida “Mening o`g`lim-Vatan himoyachisi” nomli videokonferensiyada Jizzax Davlat Pedagogika Instituti konferensiya zalida Jizzax viloyatida harbiy xizmatni o`tayotgan Qoraqalpog`iston Respublikasi o`g`lonlari va Qoraqalpog`iston Respublikasida xizmat burchini o`tayotgan Jizzaxlik askarlarning ota-onalari ishtirok etdi.
Jizzax Davlat Pedagogika Institutining talabalari tadbir davomida askarlarning su`ratini chizib ularga bayramona sovg`a sifatida taqdim etdi.
