Konsert dasturini O‘zbekiston Respublikasi Qurolli kuchlari vakili ochib berdi. U o‘z nutqida milliy xavfsizlik va barqarorlik muhim ekanligini takidlab, bu borada barchamizning mas’uliyatli ekanlgimizni aytib o‘tdi. Vakil o‘z nutqini tugatar ekan konsert ishtirokchilari va tomoshabinlarning barchasiga sog‘lik, tinchlik tiladi. Shundan keyin konsertning asosiy qismiga o‘tildi.
Kotsertning asosiy qismini O‘zbekiston Respublikasi Qurolli kuchlari Markaziy ashula va raqs ansanbli a’zosi, O‘zbekistonda xizmat ko‘rsatgan artist Hakimov Marat o‘zining vatanga muhabbat, milliylik, do‘stlik va burchga muhabbat g‘oyalari singdirilgan qo‘shiqlari bilan konsert ishtirokchilari va tomoshabinlarni xushnud etdi.
Konsertda Rossiya Federatsiyasi Markaziy harbiy okrug ashula va raqs ansanbli a’zosi, Rossiya Federatsiyasida xizmat ko‘rsatgan artist Filippenko Anatoliy Leontevich ham vatanni ulug‘lovchi, harbiy burchning muqaddas ekanligini tarannum etuvchi qo‘shiqlari bilan zaldagilarni xushnud etdi. Konsertda Rossiya Federatsiyasi Markaziy harbiy okrug ashula va raqs ansanbli a’zosilari tomonidan qo‘shiqlar va musiqa asarlari uchun sahnalashtirilgan “Dengizga boramiz”, “Dengizda”, “Maxsus xizmat” musiqiy tomoshalari tomoshabinlar tomonidan katta qiziqish bilan kutib olindi. Shuningdek, ansanblning boshqa a’zolari tomonidan kuylangan qo‘shiqlarda harbiylar hayotida xavf-xatarlarning mavjudligi, bu kasbning boshqa kasblardan qiyin tomonlari mavjud ekanligini, lekin bu kasbning jamiyatda eng nufuzli kasblardan biri ekanligini, bu yo‘ldagi mashaqqatlarni sabot bilan yengib o‘tishi kerakligini ifoda etuvchi kuy – qo‘shiqlar konsert dasturining yanada mazmunli o‘tishini ta’minladi.
Dasturda O‘zbekiston Qurolli kuchlari Markaziy ashula va raqs ansanbli a’zolarining milliy yonalishdagi kuy – qo‘shiqlari tomoshabinlarni xursand qildi. Shuningdek, estrada xonandasi Dilshod Rahmonov ijrosidagi qo‘shiqlar tomoshabinlar va konsert ishtirokchilarida ajoyib taassurot uyg‘otdi.Yana dasturda O‘zbekiston Qurolli kuchlari Markaziy ashula va raqs ansanbli.
a’zolari tomonidan kuylangan “Vatan” qo‘shig‘i katta e’tirofga sazovor bo‘ldi. Bu qo‘shiq tomirida millat qoni oqayotgan har bir kishida o‘z Vataniga bo‘lgan muhabbatini yana bir karra namoyon qildi, ayniqsa, harbiy xizmatni o‘tab kelgan sobiq harbiy xizmatchilar ushbu qo‘shiqni va ijrochilarni butun vujudi bilan olqishladilar.
