Bugungi kunda yoshlar ta’lim va tarbiyasi davlat siyosatining dolzarb masalalaridan biriga aylanganligi hech kimga sir emas. Mamlakatimizda amalga oshirilayotgan barcha ijobiy o‘zgarishlar zamirida har tomonlama barkamol -jismonan sog‘lom, aqlan yetuk, mustaqil va ijodiy fikrlashga qodir, intellektual salohiyati yuksak yosh avlod to‘g‘risida g‘amxo‘rlik qilish ustuvor maqsadlarimizdan biri hisoblanmoqda. Jumladan, yoshlar o‘rtasida ma’naviy-ma’rifiy ishlar samaradorligini oshirish, ular orasida huquqbuzarlik, jinoyatchilikning oldini olishga qaratilgan profilaktik ishlarni tizimli tashkil etish, turli zararli oqimlar ta’siriga asrash, yoshlarni Vatanga muhabbat ruhida tarbiyalash, bo‘sh vaqtlarini mazmunli o‘kazishni ta’minlashga qaratilgan muhim vazifalarni o‘z vaqtida bajarish lozim.
O‘zbekiston Respublikasi Bosh prokuraturasi boshchiligida hamda Jizzax davlat pedagogika universiteti va O‘zbekiston Respublikasi Yoshlar ishlari agentligi Jizzax viloyat boshqarmasi bilan hamkorlikda «Jizzax viloyatida yoshlar o‘rtasida huquqbuzarlikning oldini olish va ularning ma’naviy salohiyatini yuksaltirish» loyihasi targ‘ibot tadbiri bo‘lib o‘tdi.
Tadbirni Jizzax davlat pedagogika universiteti rektori, Sh.Sharipov ochib berdi. Tadbir mehmonlari O‘zbekiston Respublikasi Bosh prokuraturasi boshqarmasi prokurori Islom Marksov yoshlar o‘rtasida jinoyatchilik va huquqbuzarlikning oldini olishga qaratilgna tadbirlar va qilinayotgan ishlar xususida o‘z fikr-mulohazalarini bildirib o‘tdi. Undan so‘ng O‘zbekiston Respublikasi Yoshlar ishlari agentligi Jizzax viloyat boshqarmasi boshlig‘i Otabek Musurmonov yoshlar ishtirokida «Mutolaa» loyihasi haqida barcha maxlumotlarni yig‘ilganlarga taqdim etdi. Targ‘ibot tadbiri davomida yoshlar ishtirokida «Mutolaa» loyihasi yuzasidan ochiq davra suhbati bo‘lib o‘tdi . Notiqlar universitet talaba-yoshlarini ushbu loyihada ishtirok etishga chaqirishdi. Tadbirda yozuvchi Javlon Jovliyevning «Qo‘rqma» romani yuzasidan video taqdimot bo‘lib o‘tdi. Shundan so‘ng universitetning ijodkor va iqtidorli yoshlari tomonidan tadbir ishtirokchilariga musiqali dam olish dasturini taqdim etishdi.
