Bugun Jizzax davlat pedagogika universitetida «Yashil makon» umummilliy loyihasining bahorgi mavsumiga start berildi.Shu munosabat bilan universitetning Bo‘ston shaxarchasida joylashgan Sirtqi bo‘limda katta tadbir tashkil etildi.
Yashil makon umummilliy loyihasi doirasida hududdagi qariyib 7 gektar yer maydoniga ega bog‘ga 11 ming tup daraxt va butalar va gul ko‘chatlari ekiladi. Ko‘chat ekib, bog‘ yaratishga 200 dan ziyod talaba yoshlar hamda professor-o‘qiutvchilar o‘z hissalarini qo‘shishdi. Tashabbuskor talabalarning har biri 10 donadan ko‘chat olib kelib ekishdi. “Yashil makon” umummilliy loyihasi bugun talaba yoshlarni va barcha xodimlarni qalban birlashtirdi desak xato qilmagan bo‘lamiz.
Hazil-huzul va o‘yin kulgu kechgacha davom etgan tadbir so‘ngida barcha hasharchilarga osh tortildi. Atrof-muhit musaffoligini ta’minlashda daraxtlarning o‘rni juda katta bo‘lib, fotosintez jarayonida daraxtlar ajratadigan kislorod toza havodan nafas olishimizni ta’minlab beradi. Shundan kelib chiqib aytadigan bo‘lsak, daraxt ekish har birimiznin burchimizga, keng jamoatchilikning vazifasiga aylanishi lozim.
