Seminarni Ilmiy ishlar va innovatsiyalar bo‘yicha  prorektor G‘. Qodirov ochib berdi. U xalqaro grantlarda ishtirok etishning universitet rivoji va professor-o‘qituvchilarning ilmiy salohiyatini oshirishdagi ahamiyati hamda xalqaro grantlarning ilmiy tadqiqotlar, ta’lim dasturlarini rivojlantirish, professor-o‘qituvchilar malakasini oshirish kabi yo‘nalishlardagi roli to‘g‘risida to‘xtaldi.

Seminarda ishtirokchilarga xalqaro grantlarning asosiy turlari va yo‘nalishlari haqida taqdimot o‘tkazildi. Shuningdek, Erasmus+ grant dasturlariga ham alohida to‘xtalib, undagi Jean Monnet Module grant dasturi haqida batafsil ma’lumot taqdim etildi. Ushbu grant dasturi orqali ta’lim va tadqiqot sohalarida amalga oshiriladigan loyihalar haqida so‘z yuritildi.

Universitetning ushbu dastur orqali yangi modullar yaratish imkoniyatlari tushuntirildi. Erasmus+ grant dasturi doirasidagi Jean Monnet Module grant dasturiga ariza topshirish bosqichlari va talablari haqida batafsil yo‘riqnoma berildi. Seminar so‘ngida Ishtirokchilar tomonidan grant dasturiga oid savollar berildi va mutaxassislar tomonidan batafsil javob berildi.