Jizzax davlat pedagogika universitetida yoshlar bilan ishlash bo‘yicha dekan o‘rinbosarlari va tyutorlar ishtirokida bo‘lib o‘tgan Seminar birinch yarmida mutaxassis va psixologlar talabalar bilan muloqot soatini samarali tashkil etish zamon bilan hamnafas holda yangi pedagogik texnologiyalar va uslublarda darslarni tashkil etish, talabalar bilan hissiy yaqinlik, ularni qo‘llab-quvvatlash, yo‘l ko‘rsatish uchun bir qancha metodlar, jumladan “anonim xat”, “maqsadlar va orzular xaritasi”, “masala-harakat-yechim”, “o‘rgimchak to‘ri labirinti” kabi metodlarni qo‘llash tartibini qo‘llash xususida taqdimotlar qilishdi.
Seminarning ikkinchi yarmi ichki ishlar va huquq tartibot vakillari ishtirokda davom etdi. Unda ma’ruzachilar Talabalar o‘rtasida jinoyatchilikning oldini olish, xulq-atvorini tizimli nazorat qilish va qulay shart-sharoitlar yaratish borasida tizimli muammolar saqlanib qolayotganligini, bu muammolarni oldini olishda seminar ishtirokchilarining ko‘magiga tayanish muhim ekanligini ta’kidlashdi. Shuningdek seminarda diniy ekstremizm va fundamentalizm g‘oyalarini profilaktik yo‘l bilan bartaraf etish yo‘llari haqida tushunchalar berildi.
