Talabalar orasida ijtimoiy-ma’naviy muhit sog‘lomligini ta’minlash, vatanparvarlik va diniy bag‘rikenglik tuyg‘ularini mustahkamlashga qaratilgan kino kechasida «O‘zbekkino» Milliy agentligi buyurtmasiga asosan «Vatan» kinostudiyasida tasvirga olingan «Gumrohlar» badiiy filmi namoyish etildi.
Mazkur film yoshlarning mafkuraviy immunitetini oshirish hamda turli g‘oyaviy tahdidlardan ogoh bo‘lishga chaqirish maqsadida yaratilgan. Film o‘zbek xalqining osuda hayoti va taraqqiyotiga putur yetkazmoqchi bo‘lgan qabih kimsalarning kirdikorlarini fosh qilish maqsadida tasvirga olingan. O‘tkir syujetli va ta’sirchan sahnalarga boy film talaba yoshlarda chuqur taassurot qoldirishi shubhasiz.
