JDPU xalqaro hamkorlikning yangi yo‘nalishlarini muhokama qilmoqda. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
JDPU xalqaro hamkorlikning yangi yo‘nalishlarini muhokama qilmoqda.

Yangiliklar

27/11/2025

Chop etish

JDPU xalqaro hamkorlikning yangi yo‘nalishlarini muhokama qilmoqda.

Jizzax viloyati hokimligi va Xitoy Xalq Respublikasidagi Beijing Financial Street Group tashkiloti o‘rtasida yo‘lga qo‘yilgan hamkorlik doirasida Jizzax davlat pedagogika universiteti delegatsiyasi universitet rektori Yuldashev Maqsudjon Abdullayevich boshchiligida Xitoyda xizmat safarini davom ettirmoqda.

Safar doirasida delegatsiya BLCU Financial Street Group tarkibiga kiruvchi Financial Street Education tashkiloti rahbariyati bilan ilk rasmiy uchrashuvni o‘tkazdi. Muzokaralarda oliy ta’lim sohasida yangi tashabbuslar muhokama qilindi va bir qator kelishuvlarga erishildi.

Asosiy kelishuvlar:

JDPU va BLCU Financial Street Education hamkorligida universitetda Xitoy tili va madaniyati markazini tashkil etish hamda Xitoylik til o‘qituvchilarini jalb qilish.

Universitetda ikki tomonlama hamkorlik asosida Konfutsiy markazini ochish.

Xitoy tilini JDPUda ikkinchi xorijiy til sifatida joriy etish, shuningdek Beijing Language and Culture University tomonidan zarur darsliklar, o‘quv dasturlari va o‘quv materiallarini yetkazib berish.

Universitet o‘qituvchilari uchun Xitoyning yetakchi oliy ta’lim muassasalarida sun’iy intellekt va boshqa yo‘nalishlar bo‘yicha malaka oshirish dasturlarini tashkil etish.

Hamkorlik doirasida JDPUga Xitoydan talabalarni jalb qilish mexanizmlarini yo‘lga qo‘yish.

Uchrashuv yakunida tomonlar hamkorlikni kengaytirish va qo‘shimcha loyihalarni ishlab chiqish bo‘yicha muzokaralarni davom ettirishga kelishib oldilar.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.