Jismoniy madaniyat fakultetida O‘zbekiston Respublikasi Qurolli kuchlar tashkil etilganligining 33-yilligi hamda 14-yanvar Vatan himoyachilari kuniga bag‘ishlangan tadbir o‘tkazildi.
Tadbirda jahon arenalarida g‘oliblikni qo‘lga kiritib davlatimiz bayrog‘ini yuqoriga ko‘targan chempion sportchilar ishtirok etib, yoshlarga o‘z yo‘nalishlari bo‘yicha mahorat saboqlarini berib o‘tdi.
Sportchilar bilan do‘stona muloqotdan talaba yoshlar ham bir olam kuch va taassurotlarga ega bo‘ldi. Ayniqsa, sportchilarimizning mashaqqatli mehnati, matonati va ustozlar ko‘rsatmasi, mehribon ota-onalar duolari ijobati borasidagi hayotiy fikr-mulohazalar barchani faollikka undagani bilan foydali bo‘ldi.
Samimiy o‘tgan uchrashuv yakunida yoshlar sportchilar hayoti va faoliyatiga doir savollariga javob oldi. Chempion va faxriy sportchilar bilan tashkil etilgan uchrashuv ham ayni maqsadlar yo‘lida yoshlarning sportga bo‘lgan qiziqishi va ishtiyoqini yanada oshirishga xizmat qildi
Tadbirda Afg‘on urushi qatnashchisi, Tarix fakulteti dotsenti A.Pardayev. Jizzax garnizoni boshlig‘i o‘rinbosari, podpolkovnik Yo‘ldosh Xoliqov. Boks bo‘yicha Jahon kubogi sovrindori, O‘zbekiston iftixori Lazizbek Zokirov. boks bo‘yicha Olimpiada ishtirokchisi Bobo Usmon Baturov , boks bo‘yicha Jahon chempionati kumush medal sohibi Jasmin Tohirovalar mehmon bo‘lishdi.
