Jizzax davlat pedagogika universiteti va Sharof Rashidov tuman ixtisoslashtirilgan maktabi o‘rtasida imzolangan memorandum doirasida hamkorlikni rivojlantirish bo‘yicha bir qator chora-tadbirlar amalga oshirilmoqda.
Ushbu hamkorlik doirasida ta’lim sifatini oshirish, innovatsion yondashuvlarni joriy etish, “Ustoz–shogird” tizimini yo‘lga qo‘yish, fan o‘qituvchilari uchun mahorat darslari tashkil etish hamda o‘quvchilarni fan olimpiadalari va tanlovlarga tayyorlashga alohida e’tibor qaratilmoqda.
Joriy tadbirda Tabiiy fanlar fakulteti dekani Z.Z. Yaxshiyeva “Ekologik muammolar: bugun va ertaga” mavzusida ochiq muloqot tashkil etdi. Muloqot davomida ekologik xavfsizlik, atrof-muhitga inson ta’siri, global iqlim o‘zgarishi va hududiy ekologik muammolar interaktiv usullar orqali muhokama qilindi. Ixtisoslashtirilgan maktab o‘quvchilari o‘z fikrlarini bildirib, mavjud muammolarga yechim takliflarini o‘rtoqlashdilar.
Davra suhbati yakunida ekologik muammolarni hal etishda yoshlarning faolligi muhimligi ta’kidlandi. Ochiq muloqot samimiy va mazmunli ruhda o‘tib, o‘quvchilarda katta qiziqish uyg‘otdi. Tadbir so‘ngida maktab ma’muriyati bilan fikr almashildi, kelgusidagi hamkorlik rejalari muhokama qilindi va bunday uchrashuvlarni muntazam o‘tkazish taklif qilindi.
