Jizzax davlat pedagogika universiteti rektori musiqiy ta’lim yo‘nalishi talabalari bilan ochiq muloqot o‘tkazdi. Uchrashuv talabalarning hisobot konserti bilan boshlanib, orkestr, milliy cholg‘ular, fortepiano va xor ijrolari katta taassurot qoldirdi.

Rektor ijrolarga yuqori baho berib, may oyida “Talabalar bahori” festivalini o‘tkazish hamda chorshanba kunini “Musiqiy ta’lim kuni” deb e’lon qilishni ta’kidladi.

Shu bilan birga, talabalar tomonidan bildirilgan takliflar asosida alohida mashg‘ulot xonalarini ajratish, cholg‘ular bilan ta’minlash masalalari qo‘llab-quvvatlandi.

Muloqotdan so‘ng rektor va mas’ullar ishtirokida yo‘nalish infratuzilmasi ham o‘rganilib, auditoriya va mashg‘ulot xonalari ko‘zdan kechirildi.

Aniqlangan masalalar yuzasidan tavsiyalar berilib, mas’ullarga tegishli topshiriqlar yuklatildi hamda talabalar va professor-o‘qituvchilar uchun qulay va zamonaviy ta’lim muhitini yaratish bo‘yicha amaliy choralar belgilandi.