Jizzax shahridagi umumta’lim maktablaridan saralab olingan 31 nafar faol bitiruvchi o‘quvchilar dastlab universitetda yaratilgan sharoitlar bilan yaqindan tanishtirildi.

Jumladan, zamonaviy sport majmualari, kutubxona, Yoshlar ittifoqi, psixolog hamda «Qatag‘on qurbonlar xotirasi» muzeyi faoliyati haqida batafsil ma’lumot berildi.

Uchrashuv davomida universitet rektori Maksudjan Yuldashev yoshlarning qiziqishlari va kelajakdagi maqsadlari bilan tanishib, ularni yo‘nalishlar kesimida universitet professor-o‘qituvchilariga biriktirdi.

Shuningdek, o‘quvchilarni oliy ta’lim muassasalariga kirish imtihonlariga puxta tayyorlash maqsadida universitet tomonidan bepul tayyorlov o‘quv kurslari tashkil etilishi ta’kidlandi.