Samarqand tilshunoslik va adabiyot markazi (SLLC), Silk Road Research Academy hamda Jizzax davlat pedagogika universiteti hamkorligida tashkil etilgan “Guest Lecture Series” loyihasining 17-qismi joriy yilning 10-dekabr kuni JDPU mezbonligida bo‘lib o‘tdi.

Navbatdagi “Guest Lecture Series-2025”da Bosniya va Gersegovinadan taklif etilgan mutaxassis — Dr. Minela Kerla tomonidan “Integrating Social Innovation, Digital Education, and Language Learning in 21st-Century Classrooms» mavzusida ilmiy-amaliy vebinar tashkil etildi.

Vebinar jarayonida XXI asr ta’limida raqamli pedagogika, ijtimoiy innovatsiyalar va til o‘rganish jarayonlarini integratsiyalashtirishning zamonaviy yondashuvlari muhokama qilindi. Spiker o‘z tajribasi asosida innovatsion o‘qitish amaliyotlari, ta’lim muhitini raqamlashtirish va interfaol metodlardan samarali foydalanish bo‘yicha qator muhim tavsiyalar berdi.

Tadbirda universitet tadqiqotchilari, tayanch doktorantlar, professor-o‘qituvchilar hamda talabalar faol ishtirok etib, mavzuga doir qiziqtirgan savollariga javob oldilar.