Jizzax davlat pedagogika universitetida iqtidorli talabalarning IT sohasiga bo‘lgan qiziqishlarini oshirish va ularning startap yo‘nalishidagi bilimlarini kengaytirish maqsadida “IT-industriya va startaplarni rivojlantirish” mavzusida seminar-trening tashkil etildi.

Tadbirda “IT Par” va “Startap Garaj” hududiy bosh menejeri Narimanov Shoxrux Baxodirovich “Startaplar va ularni rivojlantirish bosqichlari” mavzusida ma’ruza o‘qib, talabalarni startap g‘oyalari, grantlar va venchur fondlar faoliyati bilan tanishtirdi.

Shuningdek, Oliy ta’lim, fan va innovatsiyalar vazirligi huzuridagi Innovatsion rivojlanish agentligi Jizzax yoshlar texnoparki direktori Xudayberdiev Samad Zakirovich “G‘oyadan – amaliyotgacha” mavzusidagi taqdimoti orqali yoshlar texnoparkining faoliyati, startaplarni qo‘llab-quvvatlash imkoniyatlari hamda innovatsion loyihalarni amalga oshirish jarayonlari haqida batafsil ma’lumot berdi.

Tadbir davomida talabalar startap yo‘nalishidagi amaliy jarayonlar, moliyalashtirish manbalari va IT sohasidagi zamonaviy tendensiyalar yuzasidan o‘zlarini qiziqtirgan savollarga javob olishdi