Jizzax davlat pedagogika universiteti Kengashining 11-sonli majlisi doimgidek taqdirlash marosimi bilan boshlandi. Universitet rektori O‘zbekiston Respublikasi Oliy taʼlim, fan va innovatsiyalar vazirligi huzuridagi Oliy Attestatsiya Komissiyasi tomonidan universitet pedagog-xodimlariga ilmiy unvon va darajalar bo‘yicha berilgan diplomlarni o‘z egalariga tantanali tarzda topshirdi. Kengashda so‘zga chiqqanlar Sultonov Marat Mirzayevich, Yakubova Manzura Abduraxmonova,Buranova Shoxnoza Abdurazakovnalarni dotsent ilmiy unvoni bilan, Inomova Mahliyo Yusuf qizini falsafa doktori (PhD) ilmiy darajasi bilan chin dildan qutlashdi.
