Bugun  Jizzax davlat  pedagogika institutiga “Sambxram” instituti vakillaridan tashkil topgan delegatsiya  tashrif buyurdi.

Hindistonlik mehmonlarni institut rektori  Sh.S.Sharipov boshchiligidagi  rahbariyat qabul qildi. Muloqot  va muzokaralar davomida institut rektori mehmonlarni oliygohdagi yaratilgan sharoitlar, imkoniyatlar va kelajak rejalar bilan batafsil tanishtirdi.

Shundan so‘ng  mehmonlar  Madaniyat saroyida Zahiriddin Muhammad Boburning 538 yilligi munosabati bilan  institutning O‘zbek tili  va adabiyoti fakulteti tomonidan tashkil etilgan tadbirda ishtirok etishdi. Tadbirni instiut rektori kirish so‘zi bilan ochib berdi. Shundan so‘ng delegatsiya rahbari   so‘zga chiqib Z.M.Boburning Hindistonda amalga oshirgan buyuk ishlari, davlatchilik va siyosatda to‘g‘ri qaror qabul qilishlar orqali hind xalqiga mehr qo‘yib uni o‘z Vatanidek qabul qilganligini, shu elga,  madaniyatni ma’rifatni singdirganligini  faxr bilan ta’kidladi. Tadbirda talabalar tomonidan  Bobur g‘azallaridan kuy qo‘shiqlar ijro etilib, sahnaviy ko‘rinishlar hamda hind sa’nati durdonalaridan ham namoyish etildi.