“Hindistonlik hamkorlarimiz tomonidan tashkil etilgan loyihada ishtirok etish uchun dastlab 40 dan ziyod talabgor o‘qituvchilar istak bildirishdi. Mana shu 40 nafar nomzoddan suhbat orqali 6 kishi Steam sohasida o‘tkaziladigan mashg‘ulotlarda ishtirok etish huquqini qo‘lga kiritdi. Hindistonlik olimlar mashg‘ulotga qatnashish istagini bildirgan talabgorlar bilan suhbat o‘tkazishdi. Mashg‘ulotlar davomida zamonaviy eng so‘nggi dasturlaridan Robototexnologiyada qo‘llaniladigan dasturiy ta’minot bo‘yicha, Logo tipidagi dasturlarning oxirgi versiyalari, 3D linklarini ishlatish uchun va 3D modellar yasovchi dasturiy ta’minotlar va har xil platformalar bo‘yicha ma’lumotlar olmoqdamiz. 10 kunlik mashg‘ulotlardan so‘ng o‘rganganlarimizni talaba yoshlar va o‘qituvchilarga seminar-treninglar orqali amalda qo‘llash niyatidamiz ”,-deydi Matematika va informatika fakulteti o‘qituvchisi A’zam Bekbo‘tayev.
Mashg‘ulotlar qiziqarli tarzda o‘tkazilmoqda. Hindistonlik mutaxassislarning tinglovchilarga nazariy va amaliy darslar o‘tkazilayotgani ularning bilimlarini yanada mustahkamlamoqda.
“Darslar juda qiziqarli o‘tmoqda, bugun sherigim bilan ikkita motorchalik harakatlanayotgan mashina robot yasadik. Shu barobarida uning dasturini ham yaratdik Ayni paytda dasturni yuklash jarayonidamiz. Biz yaratgan dastur asosida robot harakatlanadi. Men texnologik ta’lim yo‘nalishi bo‘yicha talabalarga dars beraman. Biz yaratgan dasturni umumiy o‘rta ta’lim maktablarining 5-9 sinflari uchun yangilik sifatida kiritishimiz mumkin”- deydi Texnologik ta’lim kafedrasi o‘qituvchisi Mirjalol Yo‘ldoshev.
26 mart kuni boshlangan trening mashg‘ulotlar 5 aprelgacha davom etadi. Boshqa bir guruh Hindistonlik olimlar xorijiy tillarni o‘qitish bo‘yicha faoliyatini davom ettirishadi. 
