Bugun inson qadri ulug’langan bir paytda kecha, bugun va kelajakni o’rtoqlashish maqsadida o‘zbek tili va adabiyoti fakulteti tomonidan «Uch avlod uchrashuvi» doirasida «E’zozimdasiz, ustoz» nomli tadbir tashkil qilindi. Tadbirga nafaqa yoshidagi ustozlar taklif qilinib, ularning ilmiy faoliyati, bosib o’tgan hayot yo’llari, ustozlari-yu yetishtirgan shogirdlarigacha, hayotda ro’y bergan qiziqarli voqealar  xususida qizg’in suhbat bo’lib o’tdi.

Tadbir qator sahna ko‘rinishlari, she’rlar,  kuy va qo‘shiqlarga boy bo‘ldi.  Barcha muhtaram ustozlar va talabalar tadbirni ko’tarinki ruhda o‘tganligini e’tirof etishdi.