O‘zbekiston Respublikasi Oliy va o‘rta maxsus ta’lim vazirligining 2021 yil 7 iyuldagi “Aholining elektoral madaniyatini yuksaltirish bo‘yicha Milliy harakatlar dasturi ijrosi “Yo‘l xaritasi”ning 8 bandiga ko‘ra “Saylov qonunchiligi va saylov jarayoni ishtirokchilarining huquq va majburiyatlariga bag‘ishlangan eng yaxshi ilmiy ishlar” tanlovini o‘tkazish belgilangan. Shu munosabat bilan institutimizda mazkur tanlov boshlanganligini ma’lum qilamiz.
Tanlovga taqdim etilgan ilmiy ishlar uchta nominatsiya asosida o‘tkaziladi:
1) “Eng yaxshi saylov qonunchiligi bilimdoni”,
2) “Eng yaxshi saylov tarixi bilimdoni”,
3) “Eng yaxshi saylov jarayonlari bilimdoni”.
Tanlovning institut bosqichi 1 sentabr’ kuniga qadar amalga oshiriladi. Saralab olingan ilmiy ishlar Ishchi guruh taqrizi bilan birgalikda 20 sentabr’ kuniga qadar vazirlik ishchi guruhiga taqdim etiladi.
Tanlovda ishtirok etib g‘olib bo‘lgan har uchala nominatsiya bo‘yicha 1-,2-,3-darajali diplom, ilmiy ishi chop etilgan to‘plam va esdalik sovg‘alar bilan taqdirlanadi. Tanlov va g‘oliblar to‘g‘risidagi ma’lumotlar Oliy va o‘rta maxsus ta’lim vazirligining rasmiy telegram kanalida (@edu.uz) e’lon qilinadi.Tanlovda ishtirok etmoqchi bo‘lganlar institut Ilmiy tadqiqotlar, innovatsiyalar va ilmiy-pedagog kadrlar tayyorlash bo‘limiga murojaat qilishlari mumkin.
