Koreya Respublikasining O‘zbekistondagi elchixonasida 2025-yil 25-26-aprel kunlari Toshkent shahrida “Koreya Respublikasida ta’lim olish – 2025” mavzusidagi ko‘rgazma o‘tkazilishi e’lon qilingan.

Mazkur tadbir Toshkent shahridagi Koreya ta’lim markazi binosida tashkil etilishi rejalashtirilgan (Manzil: Toshkent shahar, Mirobod tumani, Tallimarjon ko‘chasi, 3-uy)

Ko‘rgazma o‘tkazilishidan maqsad – O‘zbekistonlik talabalarni Koreya universitetlarida ta’lim olish imkoniyatlari, xususan Koreya universitetlarining o‘qish tartibi, ta’lim yo‘nalishlari va mutaxassisliklari, o‘qish muddatlari va shart-sharoitlari bilan tanishtirish. Shuningdek, ko‘rgazma davomida Koreyaning turli universitetlari bo‘yicha taqdimotlar namoyish etiladi.

Shu munosabat bilan, ushbu ko‘rgazmada OTM va Akademik litsey o‘quvchilari, talabalar, magistrantlar, doktorantlar, ilmiy xodimlar hamda oliy ta’lim muassasalarining tegishli kafedra va bo‘limlari, yosh o‘qituvchilar va xodimlari orasida qiziqish bildirgan ishtirok etishlari mumkin.