2023-yil 6-oktyabr kuni Iqtidorli talabalarning ilmiy-tadqiqot faoliyatini tashkil etish bo‘limi Jizzax viloyati IT filiali bilan hamkorlikda master klass tashkil etildi. Oliy taʼlim, fan va innovatsiyalar vazirining 2023-yil 9-avgustdagi “Talaba yoshlarning bo‘sh vaqtini mazmunli o‘tkazish tadbirlarini tashkil etish to‘g‘risida”gi 351-son buyrug‘i 11.2., 11.3.-bandlari ijrosini taʼminlash maqsadida tashkil etilgan master klassda “We Grow Tech” korxonasi rahbari, “Studygram” loyihasi asoschisi Turdiboyev Akbar o‘z taqdimoti bilan ishtirok etdi.

U o‘z taqdimotida g‘oyalarni startap darajasiga olib chiqish bosqichlari to‘g‘risida gapirdi. Shuningdek Yoshlar akademiyasining “Bo‘lajak olim” tanloviga hujjatlar topshirish hamda ilmiy g‘oyalar va startap loyihalarni tanlovlarga yo‘naltirish yuzasidan batafsil maʼlumot berdi.