“Bir ziyoli – bir mahallaga ma’naviy homiy” shiori ostida, Yangi taxrirdagi O‘zbekiston Respublikasi Konstitutsiyasi hamda beshta muhim tashabbusga  bag‘ishlab Baxmal tumani » Nushkent » MFY bilan hamkorlikda tadbir tashkil etildi.

Maktabgacha ta’lim fakulteti tumandagi 12,26,70-umumta’lim maktab o‘qituvchilari va o‘quvchilari, mahalliy aholi vakillari ishtirokida bo‘lib o‘tgan tadbirlar juda qiziqarli tarzda o‘tkazildi.

Ishtirokchilar  “Zakovat” intellektual o‘yinida Yangi tahrirdagi O‘zbekiston Respublikasi Konstitutsiyasi bo‘yicha savollarga javob topishgan bo‘lsa, badiiy asar shinavandalari  “Kitobxonlik” tadbirida o‘qigan asarlari bo‘yicha bahs-munozaraga kirishishdi.

Sportning futbol,voleybol,shaxmat-shashka, stol tennisi turlari bo‘yicha o‘tkazilgan musobaqalar ham ishtirokchilarni befarq qoldirmadi. G‘oliblar taqdirlandi.Umumta’lim maktablarini bitirayotgan bitiruvchi sinf o‘quvchilari bilan o‘tkazilgan davra suhbatida, o‘quvchi yoshlar kelajakda egallamoqchi bo‘lgan kasblari va orzulari haqida so‘zlab berishdi.

Tadbir so‘ngida g‘olib va sovrindorlar, faol ishtirokchilar diplom va esdalik sovg‘alar bilan taqdirlanishdi. O‘quvchilarga badiiy qism namoyish etildi.