1-oktyabr — “O‘qituvchi va murabbiylar” kuni munosabati bilan Jizzax davlat pedagogika universitetida ayol professor-o‘qituvchilar o‘rtasida sportning basketbol turi bo‘yicha musobaqa tashkil etildi.

Bellashuvlar yuqori kayfiyat va sog‘lom raqobat ruhida o‘tdi. Har bir jamoa g‘alaba uchun katta tayyorgarlik va jonkuyarlik namoyon etdi.

Musobaqa natijalariga ko‘ra:

Jismoniy tarbiya va sport fakulteti — 1-o‘rinni,

Maktabgacha va boshlang‘ich ta’lim fakulteti — 2-o‘rinni,

Pedagogika-psixologiya va inklyuziv ta’lim fakulteti — 3-o‘rinni qo‘lga kiritdi.

Ushbu sport tadbiri nafaqat professor-o‘qituvchilarning jismoniy faolligini oshirishga, balki jamoaviylik, hamjihatlik va sog‘lom turmush tarzini targ‘ib qilishga ham xizmat qildi.