Universitetning Aniq fanlar fakultetida tahsil olayotgan 23 nafar iqtidorli talaba Universitet rektorining 2025-yil 20-oktabrdagi 327-U sonli buyrug‘iga asosan Viloyat IT parkida “Bir million dasturchi” loyihasi doirasida tashkil etilgan o‘quv kurslarida ishtirok etdi.
Mazkur kurslarni muvaffaqiyatli tamomlagan talabalar xalqaro professional IT-sertifikatlarni qo‘lga kiritdilar. Talabalarning o‘quv kurslari uchun to‘lovlari universitetning byudjetdan tashqari mablag‘lari hisobidan qoplab berildi.
Ushbu tashabbus yoshlarning zamonaviy axborot texnologiyalari sohasidagi bilim va ko‘nikmalarini rivojlantirish, ularning xalqaro mehnat bozorida raqobatbardoshligini oshirishga xizmat qilmoqda.
Talabalar hamda ularning ota-onalari yaratilgan imkoniyatlar va ko‘rsatilgan amaliy ko‘mak uchun Universitet rektori Yuldashev Maksudjon Abdullayevichga chuqur minnatdorlik bildiradilar.
