Mazkur seminar-treningda universitet rahbariyati, professor-o‘qituvchilar hamda tegishli bo‘lim va kafedra vakillari ishtirok etdi.
Tadbirni Jizzax davlat pedagogika universiteti o‘quv ishlari bo‘yicha prorektori Haqberdi Hamzayev kirish so‘zi bilan ochib, ta’lim jarayonida raqamli texnologiyalardan samarali foydalanishning ahamiyatiga to‘xtalib o‘tdi.
Seminarda dastlab HEMIS axborot tizimida o‘qituvchi profilidan foydalanish imkoniyatlari bo‘yicha atroflicha ma’lumotlar berilgan bo‘lsa. Ta’lim jarayonini tashkil etish bo‘limi uslubchilari tomonidan HEMIS axborot tizimida o‘qituvchining asosiy vazifalari mavzusi batafsil yoritib berildi.
Shuningdek, seminarda taqdimotlar yaratish va Microsoft PowerPoint dasturida didaktik o‘yinlar yaratish texnologiyalari bo‘yicha amaliy tavsiyalar berdi.
Seminar-trening yakunida ishtirokchilar tomonidan ma’ruzalar yuzasidan qiziqtirgan savollar berildi va mutaxassislar tomonidan batafsil javoblar taqdim etildi. Savol-javoblar jarayoni ta’lim jarayonida axborot-kommunikatsiya texnologiyalaridan foydalanish bo‘yicha amaliy muammolarni hal etishga qaratildi.
Mazkur seminar-trening professor-o‘qituvchilarning raqamli savodxonligini oshirish, zamonaviy ta’lim texnologiyalarini amaliyotga joriy etish hamda ta’lim sifatini yaxshilashda muhim ahamiyat kasb etishi ta’kidlandi.
