Jizzax davlat pedagogika universiteti Matematika va informatika fakultetida “Dolzarb 90 kun” dasturi doirasida Jizzax viloyati Ekologiya va atrof-muhitni muhofaza qilish boshqarmasi bilan hamkorlikda tarbiyaviy-ma’rifiy tadbir tashkil etildi.

“Xonadonim, Vatanim obodligi, ekologiya va atrof-muhit musaffoligi — sog‘lom kelajagimiz garovi” hamda “Mahallam tozaligi – yurtim obodligi” mavzularida o‘tkazilgan ushbu tadbir yoshlar o‘rtasida tozalikka rioya qilish madaniyatini shakllantirish, ularning atrof-muhitga bo‘lgan munosabatini yaxshilash va bu boradagi ijtimoiy mas’uliyatni oshirishga qaratildi.

Tadbir doirasida mutaxassislar tomonidan ma’ruzalar tinglandi, talabalarning faol ishtiroki ta’minlandi va atrof-muhit muhofazasiga oid amaliy tavsiyalar berildi.