Kecha Jizzax davlat pedagogika instituti qoshidagi Sayiljoyi akademik litseyida “O‘zbekiston Respublikasi Konstitutsiyaviy qonuni loyihasining eng muhim o‘ziga xos xususiyatlari” mavzusida davra suhbat bo‘lib o‘tdi. Davra suhbatini institutning Yoshlar masalalari, ma’naviy-ma’rifiy ishlar bo‘yicha birinchi prorektor S.Nazarqosimov olib bordi.
Tadbirda notiq O‘zbekiston Respublikasi Konstitutsiyaviy qonuni loyihasining eng muhim o‘ziga xos xususiyatlari xususan Davlat hokimiyati asoslarni yanada takomillashtirish, parlament vakolatlarini kuchaytirish, fuqarolarning qonunchilik jarayonlarida faol ishtirokni ta’minlashga qaratilgan o‘zgartirish va qo‘shimchalar haqida ma’ruza qildi. Savol javoblar tariqasida o‘tkazilgan suhbat davomida shuningdek fuqaro va davlatning o‘zaro huquq majburiyatlari o‘rtasidagi bog‘liqlik sezilarli darajada kuchaytirlayotgani, fuqarolarning iqtisodiy huquqlarini, xususiy mulkchilikni, iqtisodiy faoliyatning erkinligini himoya qilishga qaratilgan normalar kiritilayotgani, milliy qadriyatlar va an’analarni saqlash hamda ko‘paytirishga jamiyatning tarixiy, ijtimoiy iqtisodiy asoslarini, xalq birligini mustahkamlashga o‘zgartirishlar kiritilayotganini, inson huquqlari va erkinligini kafolatlash borasida ham bir qator o‘zgartirishlar va qo‘shimchalar kiritilayotgani haqida fikr yuritildi. Davra suhbati so‘ngida ishtirokchilar bu borada o‘z fikrlarnii bayon etishdi.
