Jizzax davlat pedagogika institutida, Jizzax viloyat oila va xotin-qizlar boshqarmasi hamda oliygoh hamkorligida «INNOWOMENWEEK» — xotin-qizlarning innovatsion haftaligi doirasida «Ilm-fan va innovatsiyalarni rivojlantirishda xotin-qizlarning o‘rni» deb nomlangan ilmiy-amaliy konferensiya bo‘lib o‘tdi.
Olima va professor-o‘qituvchilar, ixtirochi hamda talaba xotin-qizlar ishtirok etgan konferensiyada so‘zga chiqqan institut rektori Sh.Sharipov bugngi kunda olima va ixtirochi ayollar safi kengayib borayotgani, ularning zamonaviy axborot-kommunikatsiya texnologiyalariga asoslangan dasturiy ishlanmalari, innovatsion g‘oyalari, ixtirochilik va ratsionalizatorlik faoliyati ta’lim va ilm-fan sohasi rivojiga salmoqli hissa qo‘shayotgani mamlakatimizda xotin-qizlarga berilayotgan yuksak e’tibor, yaratilgan shart-sharoit, keng imkoniyatlar samarasi ekanligini alohida qayd etdi
“Innovatsion haftalikni tashkil etishdan maqsad, mamlakatimiz xotin-qizlarining innovatsion g‘oyalari, loyiha va ishlanmalarini har tomonlama qo‘llab-quvvatlash, tadbirkorlik va ixtirochilik faoliyatiga keng jalb qilish, intellektual mulk ob’ektlarini huquqiy muhofaza qilishlariga ko‘maklashish, iqtisodiyotning turli tarmoqlarida mehnat qilayotgan xotin-qizlarning faoliyatiga innovatsion yondashuvni joriy qilishdan iboratdir”-deydi Jizzax viloyat oila va xotin-qizlar boshqarmasi boshlig‘i N.A.Muxtorova
«INNOWOMENWEEK» — xotin-qizlarning innovatsion haftaligi doirasida institutdagi olima va ixtirochi xotin-qizlarning jumladan Maktabgacha ta’lim fakulteti dekani Z. Yaxshievaning “Xotin-qizlar huquqlari – davlat himoyasida” mavzusidagi taqdimoti, ingliz tili o`qitish metodikasi kafedrasi mudiri, A.Jabborovaning ”Xotin-qizlarning ta’lim olishdagi imkoniyatlar” mavzusidagi mahorat-darslari taqdim etildi. Shuningdek tadbir davomida innovatsion g‘oyalar, loyiha va ishlanmalarini aks ettirgan turli ko‘rgazmalar ham tashkil etildi.
