Jizzax davlat pedagogika universitetida “Kelajakka qadam” dasturi doirasida bitiruvchi bosqich talabalari bilan uchrashuv va seminar tashkil etildi.
Tadbirda yoshlar bandligini ta’minlash, tadbirkorlik tashabbuslarini qo‘llab-quvvatlash hamda moliyaviy imkoniyatlarni kengaytirishga qaratilgan dastur mazmuni tushuntirildi.
Uchrashuvda “O‘zmilliybank” AJ Jizzax filiali mas’ul xodimi Foziljon Nizomov ishtirok etib, imtiyozli kreditlar olish tartibi, zarur hujjatlar va ulardan samarali foydalanish bo‘yicha ma’lumot berdi.
Shuningdek, universitetning Karera markazi hamda “Kelajakka qadam” markazi mutaxassislari tomonidan dastur imkoniyatlari haqida batafsil tushuntirishlar berildi.
Tadbir davomida kredit asosida tadbirkorlik faoliyatini yo‘lga qo‘ygan bitiruvchilar o‘z tajribalari bilan o‘rtoqlashib, ishtirokchilarda katta qiziqish uyg‘otdi. Uchrashuv savol-javob va fikr almashish ruhida yuqori saviyada o‘tdi.
