Jizzax davlat pedagogika universitetida viloyatdagi oliy ta’lim muassasalari talaba-qizlari o‘rtasida “To‘maris izdoshlari” sport musobaqalarining hududiy bosqichi tashkil etildi.

Mazkur tadbir talaba-yoshlarning ijtimoiy-siyosiy faolligini oshirish, ularni vatanparvarlik ruhida tarbiyalash hamda sog‘lom turmush tarzini keng targ‘ib etish maqsadida o‘tkazildi.

Musobaqa doirasida ishtirokchilar quyidagi yo‘nalishlar bo‘yicha o‘z mahoratlarini namoyon etdilar: — jamoani tanishtirish; — sport mahorati (chaqqonlik va epchillik sinovlari); — birinchi tibbiy yordam ko‘rsatish; — velosipedda uchish.

Tadbir nafaqat sport va bilimlar bellashuvi, balki talaba-qizlarning irodasi, jasorati hamda jamoaviy hamjihatligini namoyon etgan muhim ma’naviy-ma’rifiy loyiha sifatida ishtirokchilarda katta taassurot qoldirdi.

Musobaqa yakunlariga ko‘ra: 🥇 Jizzax davlat pedagogika universiteti — 1-o‘rin 🥈 O‘zbekiston Milliy universiteti Jizzax filiali — 2-o‘rin 🥉 Jizzax politexnika instituti — 3-o‘rin

G‘olib va sovrindorlar tashkilotchilar tomonidan munosib taqdirlandilar.