Тадбирни институт ректори профессор А.Ж.Холбеков кириш сўзи билан очиб берди. Бугун ҳарбий хизматни ўташ ҳар бир фуқаро учун нафақат Ватан олдидаги бурч, балки шарафли вазифага айланди. Юртимизда ватанга хизмат қилишдек юксак бурчга сазовор бўлган ҳарбийларнинг ҳар жиҳатдан етуклиги, уларнинг жисмоний чиниқиши, маънавияти, дунёқараши ва билимларини ошириши учун барча имкониятлар яратилган. Бу ҳар бир ҳарбий хизматчининг интелектуал салоҳиятини юксалтирмоқда. Бугун қайси соҳага назар ташламайлик, барча жабҳаларда улкан ўзгаришларни кўрамиз. Бу ўзгаришлар юртимизда ҳукм сураётган барқарор тинчлигимизнинг натижасидир. Ана шу тинчликни таъминлаб турган сиз каби ўғлонларни бугунги байрам билан чин қалбдан муборакбод этаман. Сизларга фаолиятингиз давомида улкан марраларни забт этишингизга тилакдошман деб сўзини якунлади.

Институт ректори А.Ж.Холбековнинг кириш сўзидан сўнг Жиззах вилояти ҳокими ўринбосари, хотин-қизлар қўмитаси раиси Г.Тўраева сўзга чиқиб ўзининг самимий тилакларини билдириб ўтди. шундан сўнг Жиззах ва Наманган ўртасида видеалоқа ўрнатилиб, Ватан олдидаги бурчини ўтаётган аскарлар ўз ота-оналари билан дийдорлашдилар. Оналар соғинчга тўла дилларини ёзган бўлсалар, аскарлар ҳарбийлак ҳаёти ҳақида сўзлаб бердилар. Тадбир давомида мамлакатимиз мудофаа тизимида кечаётган ислоҳотлар, муддатли ҳарбий хизматни ўтаган ёшлар, шартнома асосида хизмат қилаётган аскар ва офицерлар учун яратилган шароит ва имтиёзлар хусусида фикрлар билдирилди.

Тадбир сўнгида жанговар ва маънавий-маърифий тайёргарлик фанларидан аъло ва яхши натижаларга эришган, ҳарбий интизомни мустаҳкамлашга муносиб ҳисса қўшаётган бир гуруҳ аскарлар Ўзбекистон Республикаси Қуролли Кучлари ташкил топганлигининг 25 йиллиги муносабати билан “Фаҳрий ёрлиқ” билан тақдирландилар.