«Psixologik, ijtimoiy va biologik rivojlanish» mavzusida bo‘lib o‘tgan trening talaba qizlarning shaxsiy rivojlanishiga hissa qo‘shish, ularni o‘z salohiyatini anglashga undash va ijtimoiy ko‘nikmalarini oshirishga qaratildi.
Dastlab ishtirokchilar Innovatsion axborot xizmatlari o‘quv zalida yaratilgan sharoitlar bilan tanishishdi.
Shundan so‘ng seminar o‘z ishini boshladi. Unda ishtirokchilar turli xil psixologik o‘yinlar orqali o‘z-o‘zini anglash, emotsional intellektni anglash va rivojlantirish, stressni boshqarishu usullari kabi qiziqarli savol javob topishga harakat qilishdi.
Shuningdek, seminar davomida ishtirokchilar amaliy mashqlar orqali muloqot ko‘nikmalari va ijtimoiy aloqalarni rivojlantirish, konfliktlarni boshqarish va hal qilish usullari, Shaxsiy maqsadlar qo‘yish va ularga erishish strategiyalari, vaqtni boshqarishning samarali usullari haqida ma’lumotlarga ega bo‘lishdi.
Seminar so‘ngida qatnashchilarga faol ishtirok uchun kichik rag‘batlantiruvchi sovg‘alar berildi.
